Ikasteko lan metodoa
Ikasteko aholku interesgarriak ematen ditu. Ikasten jartzen garenean kontuan hartu beharko genituzkeen hainbat arau.
M
ª Paz Martinez Fdez. De Larrinoa
Euskal
Herriko CEI/IDC Orientazio Programaren arduraduna
Gaur
egungo gizartea informazioaren eta aldaketaren gizartea da. Internet
eta komunikazio-sare berriei esker, munduko txokorik txokoenean
gertatutako zerbait aldi berean jakin daiteke mundu osoan zehar;
horren ondorioz, premiazkoa egiten zaigu informazioa jasotzen,
prozesatzen eta erabiltzen ikastea. Gizartearen garapen teknologikoa
aurrera doa, eta, beraz, lanbide guztiek aldaketak izango dituzte
etengabe. Zer ekarriko du horrek? Bada, alde batetik, lanbidea
maizago aldatzea, eta, bestetik, langileen etengabeko prestakuntza
ziurtatzeko beharra.
Kasu
bietan ikasteknikak ditugu lagungarri. Baina zer dira ikasteknikak?
Eta garrantzitsuena... zer ez dira? Ez dira "mirari bat", hau da,
ez dira liburu batean irakurtzen diren aholkuak edo ikastaro batean
irakasten dizuten lan-metodoa eta listo. Ikasteknikak, ordea,
baldintza eta ariketa batzuk dira, alegia, norberak barneratu eta bere
erara moldatu behar dituenak, lan-ohitura bihurtu arte.
Ez
dago ikasteko modu bakarra. Ikasle bakoitzak bere metodoa sortzen du,
eta horretarako, bere ezaugarriak ondo aztertu behar ditu eta lortu
nahi duen helburua argitu; hori guztiori ikasteknikei buruz egindako
ikerketen ondorioz zabaldu diren edukiak kontuan izanik.
Ikaslearen
ezaugarriak aipatu ditugu, eta horien barruan honako hauek azter
ditzakegu, besteak beste: adina, autoestimua, motibazioa, ikasteko
eta irakurtzeko ohitura, norberaren biorritmoak...
IKASTEN
IKASTEKO BALDINTZA BATZUK
- Toki
eta ordu berean ikastea komeni da.
- Zaindu
gorputzaren jarrera: ikasi beti mahai eta aulki eroso
eta egokietan.
- Ikasi
zaratarik eta musikarik gabe, horiek kontzentraziorako oztopo
besterik ez baitira.
- Aukeratu
toki argitsua eta tenperatura epela.
LAN
METODO AKTIBO BATEN BILA
Lehenengo
eta behin, gainbegiratu bat egin gaiari. Irakurketa honetan bi gauza
zehaztu behar dituzu: gaiaren nondik-norakoak eta bere egitura.
Horrekin batera, identifikatu egin behar dituzu bai izenburua bai
gaiaren atalak. Horretarako, seinale edota hitz batzuk jar daitezke
testuan.
Gainetik
irakurri ondoren, testua sakon irakurriko dugu, agertzen diren
kontzeptuez eta datuez jabetzeko. Ulertzen ez dena argitzeko,
testuinguruaz baliatuko gara, edo, hala behar izanez gero, hiztegira
joko dugu, testu osoa ondo ulertu arte.
Hirugarren
irakurraldian, kontzeptu, datu eta gertaera garrantzitsuenak eta
esanguratsuenak azpimarratuko ditugu. Kontuan izan azpimarratzeak
laguntza ederra emango digula atentzioa emateko orduan, eta
baliagarria izango dela ikaste prozesua indartzeko, memorizazioa
errazteko eta azken orduko errepaso azkar bat egiteko.
Egin
ezazu eskema bat. Azken batean, eskema azpimarra-ketaren ondorioa
baino ez da; hau da, testuak dituen ideia nagusienak hitz gutxitan
eta ordenaturik emanda. Eskema-- mota asko dago: giltzaduna, koadro
sinoptikoa, mapa kontzeptualak... Horietatik errazena eta
erabilgarriena giltzadun eskema duzu. Horretan, bada, testuaren
edukiak mailaz maila kokatzen dira (izenburua, ideia nagusiak eta
xehetasunak), gezien eta giltzen bidez, ezkerretik eskuinera eta
goitik behera. Aurrekoan esan dugun bezala, ikasteko prozesua
indartzeko balio du eskemak, eta baita memoriari eta azken orduko
errepasoari laguntzeko ere.
Ez
ahaztu laburpena egitea. Eskeman agertzen diren ideiak jaso behar
dira laburpenean, nork bere hitzak erabilita eta, izenak dioenez,
modu laburrean. Laburpena oso mesedegarria da errepasoak egiterakoan
eta eutoebaluaketari ekiteko orduan (testua begiratu gabe egiten
bada, jakina).
ERREPASOAK
Metodo
aktiboaren bidez ikasi den informazioa ez galtzeko, noizean behin
errepasatzea behar-beharrezkoa da. Beraz, sarri irakurri behar dira
gaiak gogoan edukitzeko. Errepasoa dela- eta kontuan har daitezkeen
irizpideak hauek dira:
Testu
bat ikasi eta handik hogeitalau ordutara galtzen dugu informazio
gehiena. Komeni zaigu, hortaz, denbora hori igaro ostean lehenengo
errepaso bat egitea.
Aste
bete barru, bigarren errepasoa.
Hamabost
egun beranduago, hirugarren errepasoa etab.
Hemen
jaso ditugun orientabideek zerbaitetarako balio duten ala ez frogatu
nahi baduzu, ANIMA ZAITEZ! Merezi du eta.
