Behin eta berriro entzuten dugu Euskal Herrian ligatzea ezinezkoa dela, hau eta bestea... Susmoa dugu, hala ere, kexatien artaldea izugarri hedatzen ari dela. Gure ustez, ordea, ez dago dudarik: Euskal Herriko jaiak leku ona dira ligatzeko. Horregatik, ligatu nahi ez baduzu, hona hemen festez ligatu gabe gozatzeko zenbait aholku:

-          Ez hitz egin inorekin (koadrilako pare batekin izan ezik, eta haiekin ere... argi ibili!).

-          Ez ezazu dantza egin (ez da zuretzat zaila izango, mutila bazara, batez ere; Terminator-en plantak egi eta kitto).

-          Norbait hurbiltzen bazaizu asmo txarrez, bidal ezazu pikutara, bi aldiz pentsatu gabe.

-          Hanka sartu baduzu eta, zoritxarrez,  norbaitekin hizketan hasi bazara, hitz polit pare bat esan: "Argaldu egin beharko zenuke", "Gero eta ile gutxiago duzu buruan"...

-          Sexu jolas "arraroenetara" gonbidatzea ere estrategia ona  izan daiteke. Baina, kontuz, ezusteko ederra har dezakezu-eta...

-          Eta biderik errazena eta eraginkorrena: mozkortzea eta barra gainean lo geratzea. Ez zaizu inor etorriko, lasai. Ezta koadrilakoak ere.