Azterketaren deskribapena
Irakurmena
Egitekoa: Azterketariak emandako testu bat irakurriko du. Ondoren, hitz
gutxitan (50-70 hitzetan) laburbilduko du idatziz.
Idazmena
Egitekoa: Azterketariak gutxienez 350 hitzeko testu bat idatziko du,
ekintza komunikatibo jakin bat gauzatuz. Probaren enuntziatuak argi
azalduko ditu ekintza komunikatiboaren zer-nolakoak: testu-generoa,
erabilera-esparrua, enuntziatzailearen rola, hartzailearen rola eta xede
edo asmo komunikatiboa.
Idatzizko proba honen iraupena, guztira, hiru ordukoa izango da
gehienez.
Entzumena
Egitekoa: Testu bat grabatuta entzungo du azterketariak, eta hitz
gutxitan (50-70 hitzetan) laburbilduko du idatziz.
Mintzamena
Egitekoa: Idazmena neurtzeko proban jorratutako gaia izango du
hizpide azterketariak, ordu erdi lehenago adieraziko zaion ekintza
komunikatiboa gauzatzeko aztertzaileen aurrean.
Ariketak berak 10 minutu inguru iraungo du.
Ebaluatzeko irizpideak:
Idazmenaren eta mintzamenaren probak ebaluatzerakoan, kontuan izango
dira a) zer neurritan egin duen azterketariak agindu zaiona, eta b)
zuzen (gramatikaren arauak betez) eta egoki (testuinguruaren arabera eta
testuaren legeen arabera) egin duen.
Entzumenaren eta irakurmenaren probak ebaluatzerakoan, kontuan izango
da a) zer neurritan egin duen azterketariak agindu zaiona eta b) zuzen
eta egoki egin duen.
