'Euskaran sartu!' liburuxka argitaratu du IKAk
2008/09/08
IKA euskaltegiek euskara oso gutxi edo batere ez dakitenei zuzendutako Euskaran sartu! izeneko gida kaleratu du. Iruñeko Arturo Campion euskaltegiko irakasleek egin dute. 60.000 ale argitaratu dituzte eta, Iruñeko auzo guztietan ez ezik, Atarrabiako, Burlatako, Barañaingo, Sarrigurengo, Noaingo eta Antsoaingo etxeetan ere banatuko dute. Liburuxkaren helburua jende askok euskara ikasteari dion beldurra galaraztea da. Esaldi laburrak, hiztegitxo bat eta kortesiazko esaldiak bildu dituzte bertan, besteak beste. Era berean, matrikulazio kanpaina irailaren 15ean abiatuko duela iragarri du IKAk
