Egunero egiten ditugun erosketak hatz-marka bidez ordainduko omen ditugu denbora asko baino lehen. Hala nabarmendu dute, behitzat, Euskal Merkatarien Ganberako kideek Donostian egiten ari diren jardunaldietan. Hatz-markak oraingo txarteletako klabearen funtzioa beteko du. Sistema berriak saltzailearentzat eta eroslearentzat ditu abantailak: saltzaileak, bankuari komisiorik ordaindu beharrik ez duelako izango; eta erosleak, berriz, ez du dirua kenduko dioten beldurrik izan behar. Bere hatz-marka ez baitio inork lapurtuko txartela ez bezala. Japonian eta Alemanian gero eta erabiliago da hatz-marka bidezko ordainketa-sistema. Gure artean oraindik ia ezezaguna da baina hori izango omen da denbora asko baino lehen gehienok ordaintzeko erabiliko dugu modua.