KERMAN:    Kaixo. Egun on.
ANDONI:    Bai, egun on.
KERMAN:    Hau da Doniene Gorrondona txakolindegia?
ANDONI:    Hauxe da.
KERMAN:    Kostatu zait zuen izena esan, e? Horrelako hitzekin kostatuko zait euskaraz ondo hitz egitea.
ANDONI:    Ba, oso ondo egiten duzu, mutil!
KERMAN:    Ez pentsa, e? Askotan kostatzen zait e,...aditzak, e,... gogoratu. Bueno, ni Kerman naiz.
ANDONI:    Andoni
KERMAN:    Etorri naiz, pixka bat, enoturismo egitera. Zeren, gauza berriak probatu gustatzen zait. Dena den, niri ez zait gustatzen asko edan. Zeren, gero, bestela ezin dut autoa hartu.
ANDONI:    Probatu. Probatu egingo dugu.
KERMAN:    Bale. Oso ondo.

Gogoratu kostatu eta gustatu aditzekin honelako esaldiak egiten ditugula: Txakolina edaTEA gustatzen zait, eta, Aditzak gogoraTZEA kostatzen zait Kontuz ibili, horrenbestez, eta gogoratu -T(Z)EA ipini behar duzuela. edaTEA gustatzen zait, eta, ikasTEA kostatzen zait

KERMAN:    Ederra dago, e ? Edango nuke gustura beste baso bat.
ANDONI:    Probatuko dugu beste txakolin bat. Nahi duzu?
KERMAN:    Ai, ez, ez, ez. Ez zabaldu botila berri bat. Honekin, nahikoa.
ANDONI:    Bai? Seguru?
KERMAN:    Bueno, jarri beste baso bat
ANDONI:    Dena dela, beste txakolin bat, ez. Baina, guk hemen ere uxuala egiten dugu. Hori probatu beharko zenuke, e?
KERMAN:    Ez. Edari berri bat ez. Zeren, nahastea ez da ona.
ANDONI:    Bueno, baina honaino etorri eta probatu gabe ezin duzu alde egin.
KERMAN:    Bueno, bale, baina, azkena, e? Zeren, beste baso bat edaten badut, bukatuko dut Aznar bezala ingelesez hitz egiten. Baina, nik, euskaraz.

Ez nahastu BERRIA eta BESTE BAT, ez baita gauza bera beste botila bat irekitzea, edota, botila berria irekitzea. Euskaraz, berria, zaharra ez dena da. Horrenbestez, aterako didazu beste botila bat txakolin? eskatuko dugu.

KERMAN:    Bueno, hemen gustatzen zaizue txurrut egin, e? Gero kostatuko zaizue etxera joatea. Ai, bueno, hau ere ederra dago,e ? ez dakit zein aukeratu. Zeren, guztiak gustatzen zaizkit.
ANDONI:    Aukera zabala daukazu. Zuk erabaki.
KERMAN:    Kostatuko zait bat aukeratzea. Mmmm... hau eramango dut, zeren goxoa zegoen. Eta, atera beste botila bat.
ANDONI:    Bai. Oraintxe noa.
KERMAN:    Ai, bueno, eta ni banoa, e? Zeren, ez zait gustatzen etxera berandu iristea. Kostatuko zait orain kotxea hartzea. Ez, ez, ez, nik horrela ezin dut gidatu. Mikel Pablori deituko diot, bai, bai.
Mikel Pablo, Mikel Pablo, bai. Badakizu, ez zait gustatzen zu molestatu... zu molestatzea. Baina, nire bila etorri behar zara, e? Non nagoen? Borrondongo, e... Doniane Gorrondona txakolindegian nago, bai. Bale. Hemen itxoingo zaitut, bai. Ai!

Gaur Bakion ibili zaigu Kerman eta txakolina edatea gustatzen zaio, e? Horrela, kostatuko zaio etxera zuzen iristea. Gogoratu, txakolina edaTEA gustatzen zaio, edo, aditz taulak ikasTEA kostatu egiten zaio, bezalako esaldietan, aditz horiei -TEA edo -TZEA hori ipini behar diegula.    Bestalde, ez nahastu BESTE eta BERRIA, ez baita gauza bera beste ardo bat edatea, edo, ardo berria edatea. Euskaraz, berria esaten dugun bakoitzean zaharra ez dela adierazi nahi dugu. Bestelakoetan, beste bat. Adibidez, beste botila bat txakolin. Eta zuei ea Kermani bezain gutxi kostatzen zaizuen lotsak auzoan uztea

 

Horretarako, badakizue zer egin; honekin edo harekin, baina egin!