KERMAN: Kaixo.
MEDIKUA: Hola, egun on
KERMAN: Odola ematera nator. Odola eman dezaket?
MEDIKUA: Nik uste dut baietz. 18 urte badituzu, 50 kilo baino gehiago zara, ondo. Azkeneko egunetan batere gaixotasunik izan al duzu, edo, medikamenturik hartu duzu?
KERMAN: Ez. Baina, bihar hartuko badut, berdin du?
MEDIKUA: Ez dago arazorik. Ez da batere arazorik. Biharko gauzak ondo dago.
KERMAN: Oso ondo.
MEDIKUA: Eta gero, adibidez tatuajerik edo pearcinginik azken hilabeteetan?
KERMAN: Ez daukat. Baina, aizu, ze ideia ona, e? Hurrengo astean egingo badut, ez da arazorik izango, ezta?
MEDIKUA: Batere arazorik ez da izango. Azkeneko hilabeteetan egon al zara toki exotikoetan hor zehar?
KERMAN: Exotiko? Zuk nahi duzu esan Karibe, edo, Afrika edo horrela. Bueno, baina, Algortakoa naizela esango badizut? Ze, Algorta nahiko exotikoa da, e?

Baldintza erreala adierazteko, ez dugu geroaldiko marka ipiniko. Horrenbestez, Hurrengo astean egingo badut, arazorik egongo da? Esaldiaren ordez, honela esango dugu: hurrengo astean egiten badut, arazorik egongo da?

KERMAN: Agian, mareatu egongo naiz, ezta?
ERIZAINA: Lasai.
KERMAN: Zeren, medikuak etzateko aholkatu dit, e?
ERIZAINA: Baina ez zara mareatuko. Hortaz, lasai egon eta etzanda. Odola ematen da beti etzanda egonda, e? Bale?
KERMAN: Eskerrak! Eske, medikuak agindu dit, odola atera eta gero, oraindik, minutu batzuk etzanda egon.
ERIZAINA: Eta ondo esan dizu.
KERMAN: Eta amak komentatu dit, ondoren, txorizo ogitartekoa jateko.
ERIZAINA: Bukatu ondoren, sarreran eseriko zara eta han zerbait hartuko duzu, edo kafesne bat, edo ura, baita ere sandwich bat... nahi duzuna
KERMAN: Benetan?
ERIZAINA: Bai
KERMAN: Ze ondo! Bueno, Mikel Pablo enteratzen bada, ez da hemendik aterako.
ERIZAINA: Ba, ongi etorria izango da baita ere.
KERMAN: Bai, bai.
ERIZAINA: Orain, egin behar duzuna da, lasai egon, etzanda pixka bat
KERMAN: A! Eske, lehen ez didazu esan ez mugitzeko, e?
ERIZAINA: Barkatu. Baina, ez, ez mugitu. Bale, Kerman?
KERMAN: Oso ondo.

Besteek agindutakoa kontatzeko -T(Z)EKO atzizkia erabiltzen dugu. Amak esan dit ogitartekoa jateko Medikuak etzateko agindu dit

KERMAN: Gustura-gustura egon naiz, e? Nik uste baino askoz errazagoa izan da, eta gainera, ez dut ondoezik. Oso ondo nago. Lagunak topatzen baditut, esango diet odola emateko.
ERIZAINA: Oso ondo. Eta ongi etorriak izango dira
KERMAN: Eta hurrengo hiletan lau aldiz odola ematen badut, zer egingo duzue odol horrekin?
MEDIKUA: Ba, egunero transfusio asko egin behar dira, istripuak direla, ebakuntzak... oso garrantzitsua da odola ematea.
KERMAN: Oso polita da zuen lana, e? Niri ere, gustatzen zait. Bueno, esan didazue azkar ez jaikitzeko, baina, ez dizuet kasurik egin, e? Baina, beitu, ondo nago, e? Ze ni Algortakoa naiz. Ni ere odol apurtxo bat ateratzera noa, begira. Uaaa! Eske, nire amak esaten dit beti gauzak umore onez hartzeko
ERIZAINA: Oso ondo, oso ondo.

Baldintzarekin nahastuta ibili da gaur Kerman. Baldintza errealetan ez dugu geroaldiko marka erabiliko. Adibidez, odola ematen baduzu, ondoren, ogitartekoa emango dizute. Odola ematen baduzu, eta ez, odola emango baduzu. Bestalde, besteek emandako aginduak kontatzeko -T(Z)EKO atzizkia erabiliko dugu. Adibidez, medikuak esan dio odola eman ostean etzanda egoteko. Eta zuek, saiatzen baldin bazarete, lortuko duzue.

Badakizue horretarako, honekin edo harekin, baina egin!