Euskara-gaitasun tituluen konbalidaziorako dekretua
Gaur Hizkuntza Politikarako Sailburuordeak emaniko prentsaurrekoan, euskararen gaitasun egiaztagiri guztiak elkarrekin baliokidetuko dituen dekretua aurkeztu dute.
Aipatu dekretu honek zuzen-zuzenean bi herritar motarentzako onurak ekarriko ditu:
A). alde batetik, noizbait euskara tituluren bat atera duten milaka eta milaka herritarrentzat. Guztira 140.448 dira egiaztapen-sistema guztietan emanak dauden agiriak.
B). beste alde batetik, zuzenean onurak ekarriko dizkie, baita ere, oraintxe bertan euskara tituluren bat eskuratzeko ikasten ari direnei. Gogoan izan dezagun, adibidez, 2007-2008 ikasturtean HABEk homologatutako 109 euskaltegien sarean ia 40.000 ikasle ari direla euskara ikasten edo hobetzen: 40.000 horientzat guztientzat da oso berri ona gaurkoa.
Azpimarratzekoa da Europako ebaluazio irizpide estandarrak jarraituz egin dela prozesua, horrek dituen abantaila guztiekin: nazioarteko estandarretan oinarritua egotea, gerora sor daitekeen edozein egiaztagiri marko bateratu honetara biltzeko erraztasuna, eta abar.
Hauek dira dekretuak ontzat eman dituen baliokidetzak:
Hizkuntza Eskola Ofizialen agiriak, Irakaspostuetarako 1. eta 2. Hizkuntza-Eskakizunak eta Hezkuntzako Langileen Euskara Agiria sei hilabeteko epean baliokidetza-taula honetara biltzea aurreikusten du dekretuak.
Dekretua apirilaren 15eko EHAAn argitaratuko da.
Prentsa-oharra
P. Baztarrikaren azalpenak Euskadi Irratian
Aurkezpena: Baliokidetza dekretuaren laburpena
