2005. urtean ZUZENBIDEAN izeneko liburua argitaratu zuen HABEk. Material hau orduko hura osatzera dator.

Justizia alorreko langileak euskalduntzeko materiala da, euskara ikasteaz gain trebatu ere egin daitezen bere alorreko gaietan. HABEren kurrikuluaren 2. mailan ari diren Justizia Administrazioko langileenetzat da, ez ikasprozesuaren hasieran daudenentzat. Izan ere, bertan erabiltzen diren idazki asko Justiziako Administrazioan bertan erabiltzen diren benetako dokumentuak dira eta gutxieneko ezagutza-maila bat eskatzen dute.

Ikasleentzako 2 liburu dira eta zortzi ikastunitatez daude osatuta eta CD batean bertako elkarrizketak eta transkripzioak biltzen dira. Irakasleentzako liburua, berriz, sarean soilik dago eskuragarri: www.habe.euskadi.net . Ikasmaterial hau taldean nahiz bakarka jarduteko prestatuta dago.

www.habe.euskadi.net atariko IKAS BALIABIDEAK-ARGITALPENAK atalean eskuragarri dago PDF formatuan.