Kermanek patinatzen ikasteko asmoa du eta lagun patinatzaile batzuengana jo du. Patinatzen hasi baino lehen, bada ezpada ere, belaunak eta eskumuturrak ondo babestuko ditu.
KERMAN: Kaixo, arratsalde on. MONITOREA: Kaixo, zelan? KERMAN: Patinatzen ikastera etorri naiz. Hemen da, ezta? MONITOREA: Bai. Hemen dira klaseak KERMAN: A! Oso ondo. Pozten naiz. Ni, Kerman MONITOREA: David. Esango nizun... Patinatu al duzu noizbait aurretik edo? KERMAN: Bueno, urtarrilan erosi nituen patinak. Eta saiatu naiz bakarrik patinatzen. Bueno, bukatu nuen ospitalan. Eske, da oso zaila, e? MONITOREA: Bueno, zu lasai. Hasieran jarriko dizkizut honelakoak, protekzioak, eta honekin beldurra aurrezten duzu. KERMAN: Bai, bai. Honekin oso ondo, hobeto. Zeren, beste egunean, hartu nuen sekulako mina hemen, ezkerreko belaunan eta eskumako eskumuturran. Begira, begira. MONITOREA: Zelako kolpea, bai KERMAN: Bueno, zer ondo! Aizu, eta ez daukazue ezer ez bizkarran mina ez hartzeko, bizkarrekoa ez hartzeko, kolpea. Eta bururako ez daukazue ezer, buruan mina ez hartzeko? Zeren, nik burua asko erabiltzen dut, zeren, euskaltegian nago euskara ikasten. Urteak nago euskara ikasten eta oraindik nago A2 mailan. Baina, bueno, zer egingo diogu! MONITOREA: Lasai, badaukagu teknikak irakasteko eta ez duzu eduki behar ez beldurrik, ez ezer. KERMAN: Beldurrik... bueno, eskerrak! Espero dut irakasle oso zorrotzak ez izatea. Bestela, egon beharko naiz hemen irailan. Azterketak bezala. Bueno, zuek ondo bizi zarete. Egunero-egunero patinatzen, urtarrilan eta otsailan, martxoan, apirilan... bueno, bueno. MONITOREA: Bai. Urte osoan.
Kontuz NON kasuarekin. Gogoratu: Kermanek min hartu du belaunEAN eta eskumuturrEAN. Eta, Kerman patinatzen hasi da urtarrilEAN
GAIZKI egongo dira, horrenbestez, BelaunAN, eskumuturrAN eta urtarrilAN
KERMAN: Banoa, banoa, banoa, ai, ai, ai! MONITOREA: Kontuz KERMAN: Ai, ai, ai, ezin dut frenatu! MONITOREA: Epa! Ondo zagoz? KERMAN: Bai, bai, bai MONITOREA: Bueno. Frenatzeko, lehenengo gauza da pixka bat: patin bat aurreratu. Eta gero, pixkanaka-pixkanaka joan altxatzen pixka bat puntera, eta ikusten duzunean jada frenoa apoiatuta, mantendu pixka bat oreka, makurtu, eta listo! KERMAN: Ikusten dizut baina, ez dut ulertzen. O sea, erakutsi behar nauzu zuk nola frenatzen den. MONITOREA: Lasi ez dago arazorik. Da pixka bat frogatzea. Jarri zutik eta, aurrera! KERMAN: Ai! Zeinen erraz ateratzen zaizun. Inbidia ematen nauzue, benetan. Lotsa ematen nau hain gaizki patinatzeak.
Ez nahastu NOR-NORK eta NOR-NORI-NORK motako aditzak. Kermanek patinatzaileak ikusten ditu Kermani lotsa ematen dio gaizki patinatzeak
Saihestekoak izango dira, hortaz, honelakoak: Nik neskei patinatzen ikusten diet Edota, Lotsa ematen nau gaizki patinatzeak.
KERMAN: Ai, ai, ai! MONITOREA: Epa, epa! Kontuz! KERMAN: Bueno, orain ondo jarraitzen dizuet, e? MONITOREA: Bai, hombre, joe! KERMAN: Niri fisioterapeutak esan nau kirol gehiago praktikatu behar dudala. Bueno, ni, egia esan, ikusten duzu gihartsua naizela. Baina, agindu nau kirol gehiago praktikatzeko. Gainera, patinatzea zertarako da ona? MONITOREA: Jo, ba ondo dator gorputz osorako. Giharrak lantzen dira oso ondo. Baita bihotzaren sistema, erritmoa oso ondo mantentzen du. KERMAN: Bueno, eta gainera, jendea ezagutzeko. Edo euskaraz mintzatzeko... MONITOREA: Baita. KERMAN: Bai. Zeren, lehen niri lotsa ematen zidan euskaraz praktikatzea. Baina, orain, asko praktikatzen dut, asko mintzatzen naiz eta jada ez daukat lotsarik, e? Irakasleak ikusten banau ez dit sinetsiko.
NON kasuarekin arazoak izan ditu Kermanek. Eta berak kontatu digunaren
arabera, patinatzera joan zen azken aldian erori egin zen, eta min
hartu zuen belaunEAN. Horrexegatik amaitu zuen ospitalEAN. Ea ikasi
duen eta oraingoan ez duen minik hartzen bizkarrEAN.
Hori bai, bestalde, aditz-paradigmekin ere, nahastu egin da Kerman. Gogoan izan: NiK zu patinatzen ikusi ZAITUT eta EZ ikusi DIZUT. Hori bai, zuek ikusi duzue Kerman patinatzen, Kermani patinatzeaK lotsa ematen baDIO ere. Eta zuek, lotsarik gabe. Euskaraz, nonahi.
Horrexegatik, badakizue, honekin edo harekin, baina egin!
Kontuz NON kasua erabiltzean: 'Kermanek min hartu du belaunEAN eta eskumuturrEAN', ez 'belaunan' eta 'eskumuturran'. Gainera, ez dira nahasi behar NOR-NORK motako eta NOR-NORI-NORK motako aditzak: 'Kermanek patinatzaileak ikusi ditu' eta 'lotsa ematen dio gaizki patinatzeak', ez 'patinatzaileei ikusi die' edo 'lotsa ematen nau gaizki patinatzeak'.
Kerman patinatzen