KERMAN: Aizu!
DENDARIA: Bai? Bai, esan.
KERMAN: Begira, ikusi dut eskaintza onak dauzkazuela
DENDARIA: Bai. Aldi honetan badaude gauza onak eta aprobetxatu ditzakezun gauzak.
KERMAN: Nik ez nahi dut gutiziarik erosi, e? Bakarrik, oinarrizko gauzak etxerako
DENDARIA: Eta, zer nahi zenuen, bada?
KERMAN: Olioa, adibidez.
DENDARIA: Bale. Etorri, aber.
KERMAN: Hemen, eskaintzak esaten du "hiru olio erosi eta bi ordaindu"
DENDARIA: Bai.
KERMAN: Baina, nik ez ditut hiru erosi nahi, zeren, asko da. Ezin da bi erosi eta bat ordaindu?
DENDARIA: Ez. Eskaintza da, hiru eraman eta bi ordaindu.
KERMAN: Eta, bat ordaindu, baina, erdia...
DENDARIA: Ez dago aukerarik.
KERMAN: Neska! Hemen elkorrak zarete, e?
DENDARIA: Zer da hori?
KERMAN: Ai, elkorra. Hori nik sinonimoetan nik ikasi euskaltegian. Elkorra da, zurruna; ez duzuela eskaintza aldatu nahi. Zuek aditz-taula bezala, pla, pla, pla, pla, pla.

EZEZKO esaldiekin nahastu egin da gaur Kerman. Gogoratu EZ partikula aditz laguntzailearen aurretik ipini behar dugula. EZ dut eskaintzarik topatu EZ dut diru asko gastatu nahi. Baztertzekoak izango dira, hortaz, EZ nahi dut, bezalakoak

KERMAN: Hemen, lehen bezala, ardoa, hiru eraman eta bi ordaindu?
DENDARIA: Bi ordaindu, bai. Oferta berdina da, olioarekin bezala.
KERMAN: Bueno, baina, kasu horretan pena merezi du hiru eramateak, e? Zeren, ardoa goxoa baldin bada... zeren, goxoa da?
DENDARIA: Dudarik gabe ona dela
KERMAN: Baina, ona da benetan? Esan nahi dut, merezi du ardo honekin jateko zerbait goxoa erosteak?
DENDARIA: Juan Ramon, aber, emaiozu honi urdaiazpiko pixka bat.
HARAKINA: Tori pusketa bat, ea gustukoa duzun.
KERMAN:    Mmmmm! Bai goxoa, e? Merezi du honaino etortzea.

Gogoratu MEREZI IZAN esapidea honela erabiltzen dugula: MEREZI DU honaino etorTZEA MEREZI DU gehixeago ordainTZEA Esapide honi ez diogu PENA hitza erantsiko, ezta -K ere. Baztertzekoak izango dira, hortaz, honelako esaldiak: PENA MEREZI DU honaino etortzea MEREZI DU honaino etortzeaK

KERMAN: Bueno, hurrengoan, erosketak telefonoz egingo ditut. Zeren, nire kasuan merezi du telefonoz erostea. Zeren, azkenean, begira, ez behar ditudan gauza pilo bat erosi ditut, e? Hau "ez-beharra". Ui! Eta, azkenean, ez dut esnerik erosi, ez dut gatzik erosi, ez dut patatarik erosi, ez dut pentsatu ere egin nahi.
DENDARIA: Poltsa behar duzu?
KERMAN: Ai! Ez, ez dut nahi. Jada nahikoa erosi dut. Bueno, ala, merezi du poltsa ekologikoa erostea?
DENDARIA: Dudarik gabe baietz!
KERMAN: A, bai?
DENDARIA: Bai, bai. Hau behin eta berriro erabil dezakezu eta gainera, ez duzu kontaminatzen honekin.
KERMAN:    A, bueno, naturaren alde baldin bada, merezi du erostea.  Ai! Zer nolako esaldia esan dudan! Bueno, nik merezi dut EGA gainditzea! Bueno, neska, ondo segi! Agur.
DENDARIA: Bai. Igualmente. Aio

Gaur Kerman Leitzako supermerkatu batean EZEZKOEKIN nahastu egin da. Gogoratu ezezko esaldietan EZ partikula aditz laguntzailearen aurretik ipini behar dugula. Beraz, EZ dut olio erosi nahi. Edo, EZ NAIZ supermerkatura joango. Beraz, baztertuak utziko ditugu EZ NAHI DUT ardorik erosi bezalako esaldiak. Bestalde, MEREZI IZAN ere agertu zaio Kermani. Eta, gogoratu honela erabili behar dugula: MEREZI DU zerbait egiTEA. Eta euskaraz, MEREZIk ez du PENA beharrik. Beraz, ez dugu esango PENA MEREZI DU.  Honelako esaldiak okerrak dira. Beraz, MEREZI esatearekin, nahikoa. Hori bai, e? Zuek, saiatu euskaraz. Horrek merezi du eta!

Beraz, badakizu,  honekin edo harekin, baina egin!