KERMAN:    Egun on!
DENDARIA: Egun on!
KERMAN:    Kaixo. Aizu, denetarik daukazue, e?
DENDARIA: Bai. Denetarik dago. Denetarik daukagu.  
KERMAN:    Bai. Eske, ibili naiz denda osoan ikusten eta animalia guztiak gustatzen zaizkit. Baina orain, duda-mudan nago. Zeren, nik animalia osoak erosiko nituzke.  
DENDARIA: Baina, ideiaren bat edo edukiko duzu, ez?
KERMAN:    Bada, zerbait... animalia, baina, ez oso handia. Zerbait txikia. Zeren, amak berritu ditu etxeko gela osoak, eta bestela, nirekin haserretuko da.
DENDARIA: Bada, txakur txiki bat erakutsiko dizut, aber?
KERMAN:    Aber txakurra. Ai, ze polita! Baina, gero, egun osoa zaunkaka ematen dute. Ez, ez, ez. Beste zerbait. Txikiagoa.
DENDARIA: Txikiagoa? Hamster bat?
KERMAN:    Ez, keba, keba. Hauek, gero, bazter guztietan ezkutatzen dira. Ez, ez, ez.
DENDARIA: Eta, loro bat, orduan?
KERMAN:    A! Loro bat! Bueno, hauek egun osoa pipak jaten daude, e? Erosten duzu pipa pakete bat eta pakete guztia jaten dute. Eta gainera, azal guztiak lurrera. Ez dakit. Bueno, euskaraz daki?
DENDARIA: Ez. Ikasten ari da!
KERMAN:    A! Beitu! Euskaldunberri? Ni bezala.

Ez nahastu GUZTIAK eta OSOA. Kontuan hartu ez dela gauza bera Tarta GUZTIAK jatea, edo, tarta OSOA jatea. Horrenbestez, Loroak pipa GUZTIAK jan dituela esango dugu, edota, pipa pakete OSOA jan duela. Hau da, pakete bakarra, baina, barruko pipa guztiak.

KERMAN:    Bada, orduan, untxi bat. Zeren, ez dute piparik jaten eta horrela, amak ez dizkit trabarik jarriko. Baina, nik ez dut hemen untxirik ikusi.
DENDARIA: Ez? Bada, hementxe bertan daude.
KERMAN:    A!
DENDARIA: Bai. Begira zer polita!
KERMAN:    Kontuz! ui! Baina pixka bat usain txarra dute, e? Ez, ez, ez.
DENDARIA: Honek mala letxe pixka bat dauka.
KERMAN:    Bai, bai, bai. Ez, amak arazoak jarriko dizkit.
DENDARIA: Eta, dortoka bat?  
KERMAN:    A! Bada, dortoka bat,  ideia ona. Zeren, ez du piparik jaten, ez du usain txarrik botatzen, ez du zaratarik egiten eta ez du azkazala luzerik. Oso ondo! eta gainera, mantso-mantso  ibiltzen dira. Ni euskararekin bezala. Bale, dortoka bat.

Ez nahastu ADITZAREN NUMEROAREKIN. Ez DUT pipaRIK jaten, edota, ez DUT arazoRIK nahi, bezalako esaldietan aditz laguntzailea singularrean ipiniko dugu. Ez dira zuzenak izango, hortaz, era honetako esaldiak: Ez DITUT pipaRIK jaten, edota, ez DITUT arazoRIK nahi.

KERMAN:    Ai, baina, hauek gero, egun osoa ematen dute lotan. Eta, zer egingo dut? Ai! Zalantzan nago. Bueno, uste dut goiz guztia hemen pasatuko dudala.
DENDARIA: Espero dut ezetz.
KERMAN:    Badakit. Badakit, zeren, begira, etorkizuna ikusten ari naiz. Etorkizuna hemen dago. Arrain bat erosiko dut!
DENDARIA: Bada, goazen!, damutu baino lehenago.
KERMAN:    Baina, ez oso handia, e? Bestela, arrainontzi guztia beteko du.
DENDARIA: Eta, honelako laranja bat, zer iruditzen zaizu?
KERMAN:    Bueno, honek ez ditu arreta handirik behar, ezta?
DENDARIA: Ez, pote honekin hilabete eta erdirako daukazu gutxi gorabehera
KERMAN:    Bada, horrelako arrain bat orduan. Da... arrain diesela, orduan.
DENDARIA: Diesela, bai.

Gaur, Kermanek animalia dendan bazter guztiak begiratu ditu eta denda osoa zeharkatu du. Kontuz, ez nahastu OSOA eta GUZTIAK. Ez delako gauza bera tarta OSOA jatea, edo, tarta GUZTIAK jatea. Horrekin ados zaudete nirekin, ezta? Bueno, bestalde, ADITZ NUMEROAREKIN ere ez da oso fin ibili Kerman. EZ DUT pipaRIK jaten. Edo, EZ DUT arazoRIK nahi. Horiexek dira forma zuzenak. Eta beraz,  baztertu beharrekoak: EZ DITUT pipaRIK jaten. Argi geratu da, ezta? Bada, bueno, zuek ere ez duzue lotsarik izan behar euskaraz mintzatzeko.

Beraz, badakizue,  honekin edo harekin, baina egin!