Dortoka eta erbia eztabaidan ari ziren nor ote zen hankaz bizkorragoa. Eta hori erabakitzeko, lasterketa egitea erabaki zuten. Erbia, berez hain bizkorra izanik, ez zen batere kezkatzen; beraz, bide-bazterrean etzan eta lokartu egin zen. Dortokak, oso geldoa zela jakinik, etengabe lasterka jarraitu zuen, lo zegoen erbiari aurrea hartu eta saria irabazi zuen.

Ikaskizuna: Alegiak erakusten du sarritan ahalegintzea hobe dela berezko gaitasunaz gehiegi fidatzea baino.