KERMAN: Mikel Pablo, non zaude? Ni, pilotalekuan! Non egongo naiz, ba? Zuk zertan zabiltza? Lo zaudela? Lo? Ordu honetan? Ahaztu egin zaizu pilotalekura joateko geratuta geundela, ezta? Ai Mikel Pablo, nik zurekin ezin dut, e? Zure ama arrazoi du: Desastre hutsa zara!
KERMAN: Kaixo, arratsaldeon. Noiz hasten da pilota-partida? Ah! Hasi da ia? Eee...bale. Eta zenbat balio du sarrera bat? Beste galdera bat, zenbat irauten du partida? Ah! Ordubete inguru. Bale, eskerrik asko, eh?

Gogoratu aditz bakoitzari subjektua dagokion kasuan ipini behar zaiola, ez baita gauza bera nor edo nork. Zertan ote dabil Kerman? Zure amak arrazoi du.Zenbat irauten du partidak? Eta zenbat balio du sarrerak?

KERMAN: Hau da hau partida bikaina, ezta?
NESKA: Bai, bai. Oso interesgarria dago, bai, bai. Oso politta.
KERMAN: Bai, bai. Eta zeinen leku ona hartu dugu. Nik primeran ikusten dut, eh! Zuk? Zuk ere bai?
NESKA: Oso ondo. Erdikaldean gagoz (gaude) eta oso ondo ikusten da, bai, bai.
KERMAN: Hau poza, eh? Pilotalekuan egotea, eh? Benetan, eh?
NESKA: Joe, emozionatuta zagoz (zaude), eh?
KERMAN: Bai, bai, bai. Nik uste dut gehiagotan etorri behar naizela, eh? Mikel Pablorekin! Baina gaur lotan geratu da! Pfu! A zer alproja da!
NESKA: Bai, bai, esan etortzeko oso politta da ikusteko ta!
KERMAN: Bai, bai, bai. Zu askotan etortzen zara?
NESKA: Bai, bai. Asko gustaten jata (zait), bai
KERMAN: Ah bai, eh?
NESKA: Honbre! Gehienak gizonak dira, baina bueno... Neskak be (ere) etortzen dira...
KERMAN: Bueno, baina...
NESKA: Baina asko gustaten jata (zait), bai, bai.
KERMAN: Eta azalduko zenidake nola den jokua pixka bat, mekanika. Ze nik ez dakit.
NESKA: Bi pareja dare (daude), gorria eta urdina, eta hogeitabi tantora iritsi behar dira, eta... hori da
KERMAN: Ba, partida horrela, gainetik ikusita, niri gustatzen zait hori. Aitor Zubieta. Zeinen ondo jolasten duen, eh?
NESKA: Bai, bai. Eta gainera oso jatorra da. Eta oso guapoa, eh!
KERMAN: Ai, oso guapoa, eh! Emakume, zuri ere gustatzen zaizu, eh?
NESKA: Bai, bai.

Harridura adierazteko era honetako esaldiak botatzen ditugu: Zeinen leku ona aukeratu dugun! Hau zortea! A zer nolako alproja den gure laguna!

KERMAN: Hara! Hara! Aitor Zubieta!
AITOR ZUBIETA: Aupa!
KERMAN: Kaixo!
AITOR ZUBIETA: Arratsaldeon, arratsaldeon!
KERMAN: Ostras! Bostekoa... Indartsu zaude zu, eh?
AITOR ZUBIETA: Nahiko, nahiko...
KERMAN: Aizu... Bueno, zorionak eh? Irabazi egin duzu. Ze ondo jokatu duzun!
AITOR ZUBIETA: Eskerrik asko
KERMAN: Eta zeinbat jende etorri den! Beti izaten da horrela?
AITOR ZUBIETA: Beno, bai. Normalean jende asko ta etortzen da. Baina beno, badaude egun batzuk gutxiago, beste batzutan gehiago, baina bueno... Orokorrean horrela izaten da.
KERMAN: Ni ere, gehiagotan etorri behar dut, eh, egia esan. Ze, lastima lehenago etorri ez izana! Eskerrak gaur etorri naizela, ze, a ze nolako partida ikusi dudan!
AITOR ZUBIETA: Behin etorrita ia, gustatu bazaizu ia, hemendik aurrera astero etorri behar zara ia.
KERMAN: Polita bai, baina aizu, a zer nolako partida luzea, eh? A zer txizagurea daukadan!
AITOR ZUBIETA: Bai normala da, normala da, bai.
KERMAN: Aizu, ta gainera zuk erakutsi, eh, ahal didazu, eh, pilotan jokatzen?
AITOR ZUBIETA: Nola ez! Hori nahi duzunean.
KERMAN: Bai?
AITOR ZUBIETA: Bai. Nik Etxarrin, eh, eramaten dut pilota eskola bat.
KERMAN: Eskola
AITOR ZUBIETA: Bai, umetxoekin da aritzen naiz, eta zahartxoagoekin ere, beraz hara etor zaitezke nahi duzunean.
KERMAN: Zer ondo! A zer sorpresa emango diodan Mikel Pablori, esaten diodanean Aitor Zubietarekin egon naizela.
AITOR ZUBIETA: Niregatik gonbidatuak zaudete biak. Etor zaitezkete Etxarrira nahi duzutenean.
KERMAN: Etxarri.
AITOR ZUBIETA: Hori da.
KERMAN: Ah, bueno ni Algortakoa naiz eh, baina nik joan naiteke Etxarrira.
AITOR ZUBIETA: Bai, hori arratsalde pasa joateko ez dago gaizki.
KERMAN: Bale, ba joango naiz, Aitor. Eskerrik asko eh? Gero arte!
AITOR ZUBIETA: Oso ondo. Zaindu!

Gaur Kerman Tolosako pilotalekuan ibili da baina, uhm! Subjektu guztiak ez ditu behar bezala ipini. Gogoratu aditz bakoitzari dagokion subjektua ipini behar diozuela.Adibidez: Zertan ote dabil Kerman? Edo, zenbat irauten du pilota partidak? Edo, zenbat balio du sarrerak? Argi geratu da, ezta? Bueno, horrez gain, Kermanek barra-barra bota ditu harridurazko esaldiak. Adibidez: A zer txizagura duen Kermanek! Edo, hau da hau partida luzea! Edo, a zer nolako sorpresa emango dion Mikel Pablori! Eta, a zer nolako meritua daukazuen zuek Kermanen kontuak ikusteko.

Ba, badakizu, honekin edo harekin, baina egin!