KERMAN: Aizu, gizon, gizon, gizon! Barkatu, non nago!? Non nago!?
ETXE: Zelan (nola), non zagozen (zauden)?
KERMAN: Non nago! Non nago! Eske galdu...galduta nago! Galduta nago...
ETXE: Lasai, lasai...
KERMAN: Bai, eske kotxea ez dakit non dagoen eta galduta nago. Zuk ikusi duzu nire kotxea? Da kotxe gorria.
ETXE: Kotxe gorria... Kotxe gorriak asko dauz (daude).Baina...
KERMAN: Eh... Utzi dut parke baten ondoan, baina ez dut gogoratzen non dagoen parkea.
ETXE: Aber, beste pista batzuk emoten boztezuz (badizkidazu), hobeto
KERMAN: Eh, da parke bat dago elizaren atzean. Begira, ni etorri naiz bide nagusitik eh
ETXE: Bai...
KERMAN: Lehenengo egin dut ezkerretara...
ETXE: Bai...
KERMAN: Gero egin dut eskuinetara, jarraitu dut aurrera eta orduan ikusi dut eliza.
ETXE: Badakit.
KERMAN: Bai?
ETXE: Bai, badakit.
KERMAN: Eta nola iritsiko naiz?
ETXE: Aber, lasai.Hartu biozu (behar duzu), bide horretatik zuzen jun (joan), eta bigarren bidegurutzean ezkerrera hartu biozu (behar duzu).
KERMAN: Ezkerretara
ETXE: Eta gero jarraitu, gutxi gorabehera, hirurehun metro inguru eta bertara helduko za (zara). Ikusikozu (ikusiko duzu) elizie (eliza), parkiñe (parkina), kioskue (kioskoa), parkie (parkea) eta dena. Bertan ikusikozu (ikusiko duzu) kotxia (kotxea).
KERMAN: Jo, ze ondo! Benetan... Ba eskerrik asko, eh? Benetan.
ETXE: Ez da ezegattik (ez horregatik). Lasai...
KERMAN: Aizu, zu zara Etxe, gaztean...eh...jotzen...
ETXE: Bai, hori da, neu naz (naiz).
KERMAN: Bueno, oso ona zara, eh? Eskerrik asko. Agur
ETXE: Zeuri, gero arte! Agur!

Kerman gaur autoa non utzi duen ahaztuta dabil. Autoa topatzen laguntzeko, argibideak eskatu eta emango ditu Kermanek. Elizaren atzean utzi dut autoa. Ondoren eskuinetara hartu dut edo eskuinera hartu dut. Parke baten ondoan aparkatu dut.

KERMAN: Hemen dago kotxea. Baina... Isuna jarri didate orain! Banekien horrelako zerbait gertatuko zitzaidala. Ba ni banoa korrika. Aiba, Etxe berriro!
ETXE: Aupa!
KERMAN: Aizu, aizu! Badakizu autopista non dagoen?
ETXE: Beitu... Ba bide honetatik zuzen jarraitu ta rotonda bat ikusiko dozu (duzu), eta gero ezkerretara hartu
KERMAN: Ah! Oso ondo. Eske, nik, uste dut, nahiko hurbil dagoela baina erraz galtzen naiz.
ETXE: Bai... Lasai, lasai. Hemendik eztozu (ez duzu)...erraz topaukozu (topatuko duzu). Rotondara arte joan eta gero ezkerretara hartu.
KERMAN: Etxe, Etxe, Etxe... Etorri mesedez. Barkatu eh?
ETXE: Zertan zabiltz ba? (zabiltza ba)
KERMAN: Eske...Badakit esan didazula autopista oso hurbil dagoela, baina... Eske nik uste dut okerreko bidea hartu dudala
ETXE: Ba oso sinplea izan da, izan da bidea zuzen jarraitu eta rotondan ezkerrera hartzi (hartzea). Eztako (ez dauka)... Eztako besterik
KERMAN: Bide bakarra, ezta?
ETXE: Bai, bide bakarra
KERMAN: Ez zure kantuan bezala, "eta zenbat bide?"
ETXE: Ez, hemen bat bakarrik dago. Asike lasai, bale?
KERMAN: Bale! Gero arte, Etxe!
ETXE: Gero arte. Agur

Iritziak emateko edota besteek esandakoa kontatzeko -LA erabiltzen dugu. Pentsatzen nuen debekatuta egongo zela. Pentsatzen nuen aparka daitekeela. Esan didate puntu guztiak kenduko dizkidatela. Esan didate oso hurbil dagoela.

KERMAN: Bai? Bai. Esan dizut ba gidatzen ari naizela! Bah, isuna jarriko didatela? Badakit! Zergatik uste duzu geratu naizela? Eh? Bai, ze gaur ia isun bat jarri didate. Ez, ez dut oraindik ordaindu. Zer? Hobe dela gaur bertan ordaintzea? Esan didate bestela puntu guztiak kenduko dizkidatela. Ai... Etxe! Etxe...
ETXE: Eztozu (ez duzu) topau autopistie (autopista) oindiñokan (oraindikan) ala?
KERMAN: Bai. Eske pentsatu dut... Azkenean udaltzaingora joatea isuna ordaintzera. Non dago udaltzaingoa? Udaletxearen ondoan?
ETXE: Justo dau (dago) alde zaharra... Alde zaharretik gertu.
KERMAN: Eske nik uste dut, azkenean, hemen geratu behar naizela bizitzen, eh? Beti okerreko bidea hartzen dut.
ETXE: Ba kostauko iatzuz (kostatuko zaizkizu) bide denak ezagutzie (ezagutzea).
KERMAN: Aizu, gainera uste dut bazkaltzeko ordua dela, eh? Zu nora zoaz?
ETXE: Ni etxera noie (noa) bazkaltzera.
KERMAN: Bai? Gonbidatuko nauzu?
ETXE: Bueno...
KERMAN: Benga, bai. Igo kotxera! Benga, goazen bai. Gonbidatuko nauzu. Bai
ETXE: Bale... Benga. Zuk badiñozu (badiozu)...
KERMAN: Bai, bai, bai...

Autoa non utzi duen ahaztuta ibili da Kerman gaur Zornotzako kaleetan, eta horregatik argibideak eskatzen aritu da autoa topatzeko. Azkenean, elizaren atzean, parke baten ondoan, bidegurutzera iritsitakoan ezkerretara hartu... eta hara! Autoa topatu du. Bestalde, iritzia emateko edo besteek esandakoa errepikatzeko, -LA erabiltzen dugula ikusi dugu. Banekien hemen ezin dela autoa aparkatu, edo esan dit puntu guztiak kenduko dizkidatela. Eta nik badakit, zuk euskaraz ondo hitz egingo duzula. Beraz...

Badakizu, honekin edo harekin, baina egin!