KERMAN: Kaixo.
TURISMO-GIDARIA: Kaixo.
KERMAN: Beitu, (begira) Gasteizko katedrala bisitatu nahi dut eta ez dakit gaur ikusi badaiteke
T-GIDARIA: Bueno, Katedral Zaharra ikusteko txanda hartu behar duzu aurretik.
KERMAN: A, bai! Txanda, noski. Bueno, eske, ez dakit beste egun batean etorri ahalko banaiz. Eta, gaur ezin da beste zerbait bisitatu?
T-GIDARIA: Gaur harresiak bisitatu ditzakezu.
KERMAN: Eta, zer ordutan da hurrengo bisita?
T-GIDARIA: Ordubete barru.
KERMAN: Badakizu azalpena euskaraz izango bada?
T-GIDARIA: Bai. Ordu horretan euskaraz da. Eta gainera, nik erakutsiko dizut.
KERMAN: Ba, eskerrik asko. Deitu behar diot lagun bati, Mikel Pablori, jakiteko ea etorriko bada. 

Ez nahastu BALDINTZA eta ZEHAR GALDERA. Ez dakit azalpena euskaraz izango BADA. Kontuz ibili era horretako esaldiekin. Kasu horietan ez baitago baldintzarik. Halakoen ordez, Ez dakit azalpena euskaraz izango DEN esango dugu. Edota, Lagunari galdetuko diot ea etorriko DEN galdetzeko.

KERMAN: Ze polita, e?
T-GIDARIA: Bai. Gustatzen zaizu?
KERMAN: Bueno, Mikel Pablo, azkenean, ez dator. Esan dit oso lanpetuta dagoela. Baina, esan dit beste egun batean etorriko dela. Horrela, bera etortzen denean, joango gara katedrala ikustera. Zeren, jende askok esaten du oso polita dela, ezta?
T-GIDARIA: Bai. Oso polita da. Baina, txanda gaur bertan hartu. Bestela, zaila ikusten dut.
KERMAN: Gaur bertan? Uf! Bueno, dena dela uste dut Mikel Pablo ez dela etorriko.
T-GIDARIA: Zure lagun hori, Mikel Pablo, noizbait ezagutu beharko dut. Gainera, Gasteiz oso leku ona da arteaz eta historiaz zerbait ikasteko.
KERMAN: Bai. Nik ere horrela pentsatzen dut. Gainera, mundu guztiak esaten du harresi hauek oso historia interesgarria dute. 

Besteek esana kontatzeko, gisa honetako esaldiak erabiltzen ditugu: Nire lagunak esan dit oso lanpetuta dagoELA Nire lagunak esan dit beste egun batean etorriko dELA Gogoratu, horrenbestez, era horretako esaldietan -ELA atzizkia ipini behar diogula aditz laguntzaileari.

KERMAN: Mikel Pablok galdetu dit ea zabalik egongo den katedrala San Prudentzio egunean. Zeren, honek nahi duena da, badakizu, artea ikusi bai, baina, juerga pixka bat ere egin. Niri ere, juerga gustatzen zait, parranda pixka bat. Baina, interesatzen zait gehiago artea eta kultura. Zuri? Ziur nago irakurri dituzula Toti Martinez de Lezeak eta Kent Folletek Gasteizi buruz idatzitako liburuak, ezta?
T-GIDARIA: Bai. Irakurri ditut.
KERMAN: Eske, nire amak esan dit Totiren liburu guztiak irakurri dituela.
T-GIDARIA: Bai. Ez naiz harritzen. Esan dizut, nik biak irakurri ditut eta oso idazle onak dira.
KERMAN: Nik ere irakurri nahi ditut. Baina, ez dakit  denbora izango badut. Zeren, oso lanpetuta nabil. Hori bai, e? Totiri esango diot ea nire historia idatzi nahi duen: "Kerman, Euskal Herriko euskaldunberririk zaharrena". Gasteizko harresiak baino zaharrago!

Zalantzan gaudenean, honelako esaldiak erabiliko ditugu: Ez dakit denbora izango duDAN bazkaria prestatzeko. Eta beraz, gaizki egongo dira Ez dakit denbora izango BADUT (bazkaria prestatzeko) bezalako esaldiak. Zergatik? Kasu honetan ez dagoelako baldintzarik. Beraz, ez nahastu baldintzak eta zalantzak. Gogoan izan aditz laguntzaileari -N jartzearekin nahikoa dela. Adibidez, Ez dakit guztia ulertuko duDAN. -N hori, ados? Bueno, bestalde, Kerman finago aritu da besteek esandakoa kontatzen, e? Gogoratu besteek esandakoa adierazteko, honelako esaldiak erabiltzen ditugula: Nire lagunak esan dit lanpetuta dagoELA. Edo, liburu guztiak irakurri dituELA. Eta zuek, ea saiatzen zareten hemen esandako guztia ez ahazten.

Horretarako, badakizue,  honekin edo harekin, baina egin!