Panda alferraren posta-zerbitzua du izena eta orain urtebete zabaldu zituen ateak.
Euren gutuna edota posta-txartela egun jakin batean heldu dadila. Hori nahi dute denek: aurtengo egunetako batean, datorren urtean edota 50 urte barru. Proiektuan parte hartzen duten guztiek kontratua sinatu dute negozioa txarto badoa eta itxi behar badute ere, hartuta duten konpromisoa beteko dutela adieraziz. Etorkizuneko posta-bulego honen arrakasta geldiezina da; izan ere, ahoz aho zabaldu da berria eta moda bihurtu da dagoeneko norberari edota senideren bati zuzenean iraganetik helduko den gutuna bidaltzea. "Amari gutuna idazten ari naiz nire urtebetetze-egunean hartu dezan; izan ere, nire urte-eguna bere eguna ere bada, ni mundura ekartzeko sufritu zuen eta". "Sistema honi esker, milaka istorio txiki gutunazal barruan gorde ditzakegu. Duela gutxi mutiko batek neskalagunari ezkontzeko eskatu zion Gabon egunean postal baten bitartez, eta hiltzear zegoen gizon batek oraindik jaio gabe zeukan bilobari gutuna idatzi zion aitita ezagutu ahal dezan".
Panda astiro, baina gelditu gabe doa eta bigarren denda bat zabaldu berri dute Beijinen. Orain dituzten irabaziei eutsiz gero, euren asmoa da denda gobernuz kanpoko erakunde bihurtzea jendearen desio txikiak errealitate bihurtzeko postaren bitartez.
Gutun-zerbitzu berezia
Posta-zerbitzu honek orain dela urtebete zabaldu zituen ateak eta dagoeneko bere arrakasta geldiezina da; izan ere, ahoz aho zabaldu da berria eta moda bihurtu da, dagoeneko, norberari edota senitartekoren bati sistema honen bidez gutuna bidaltzea.
Ohi dugunez, hitz batzuk azalduko dizkizugu lehendabizi:.
POSTA.- Korrespondentziaren garraioa; garraio horren ardura duen zerbitzua. Horrela, "Postaz jaso dudan gutun batean", "posta-zerbitzua", "posta-bulegoa".
ARRAKASTA.- Nahi edo desiratzen dena lortzea. "Telebistako programa horrek arrakasta handia dauka", "Atxagaren azken liburuak arrakasta handia, itzela izan du".
GUTUN.- Eskutitza. Norbaiti zerbait adieraziz bidaltzen diogun izkribua. Eta eskutitza GUTUN-AZALEAN sartuta bidaltzen dugu.
GOBERNUZ KANPOKO ERAKUNDEA.- Gobernuarenak ez diren erakundeak eta nolabaiteko lan soziala egiten dutenak, arazoak dituztenei lagunduz. "Gazte asko ari dira lanean gaur egun ONG batean"
AITITA.- Aitona bizkaieraz, edo baita aitaita ere. Eta Iparraldean aitatxi, aitajaun esaten dute.
Horrenbestez, ba, albistea entzungo dugu. Ea entzun ondoren, galdera honi erantzuteko gai zareten:
Zerbitzu hau erabiltzen badugu, noiz iritsiko da gutuna jasotzailearengana?
Gutun zerbitzua